- Berichte Teil1 - November

Home Berichte Teil2 Berichte Teil1 November neu November Oktober September Bilder Gästebuch

lunes, 12 de noviembre de 2007

!Hola guapos!

was los im hohen norden seits e scho komplet eingschneibt !?!?!?
ja i muas sagen wettertechnisch schauts bei mir zum glick nu a bisserl anders aus und i hoff es bleibt nu de nächsten 41 tage so und dann kanns e 2 wochen lang schiach sa in spanien… weil dann nimm i s guade wetta einfach mit afe!!....wa ja ned so schlecht …. oda!?!?

ja ja is gar nimma lang bis weihnachten weil scho wieda is a woche ume
hab ja gehoert das da leonhardi des jahr ned so da wahnsinn war…guad …dann hab i wenigstens nix verpasst *g*

mei WE war ned sonderlich aufregend aber trotzdem im großen und ganzen recht fesch. am SA war i am abend mit meiner family in einer Bodega und hoam a bisserl wein getrunken und tapas gegessen… ma is sag engs was i scho alles probiert hab …pfuiteufel…und mitlerweise is i ja sogar scho an zwiefö… echt i werd ja nu zum allesesser und mach ned a moi nu halt vor meerestierchen …. i muas ned unbedingt haben aber wenn mas schnell schluckt sans e sche geschmacklos *g*

und SO war i dann mit da Julia in Puerto de Sta. Maria … = des nächste „nachbarsdörfchen“ war ganz a entspannter Nachmittag mit a bisserl am strand spazieren gehen und a bisserl durch die stadt schlendern ja und aufd nachts san ma dann mitn schiff nach Cádiz zruck … war echt gescheid sche so halbdunkel mit teilweise rosa himmel und dann de ganzen lichter vom hafen und da stadt… „ wow“ des war a feeling wenn da dann nu da wind durch d haar bloast…... war scho super

ja und des wars e mehr hab i e ned gmacht des WE und morgen ja ja des is was …ma i wa sogern daheim morgen und dan s WE aber i glaub d MSichi schaut e a bisserl vorbei und dann mach ma wieda amoi gscheid party … i hoff zumindest
weil sonst wird se ned vü spün …nur hald mit de mädels kurz anstossen und des wars dann a scho wieda!!!!

hasta pronto y un abrazo
andi

viernes, 16 de noviembre de 2007

hola chicos!!

ma i sags euch was für ein tag ..
heut war ja da abreisetag von da rosa und ihre kinderleins …(nach catar) und ja ihr toller sohnemann hat se des kruzfristig anders überlegt und is davonglaufen…dh. wir hoam den ganzen vormittag in Juan Pablo gesucht und natirle ned gfunden …. naja schlussendlich hat ihn dan zufällig die mama von an freund in Cadiz herumlaufen gsehn und hat unsan wieder gebracht… die nerven lagen auf jeden fall bei alle ziemlich plank… verstandlich 1h vor da abfahrt zum flughafen und die parti is ned komplett… naja alles gut gegangen und hoffenlich kimmt a jetzt am flughafen ned wieda auf de blöde idee das a se ausn staub machen könnte … weil dann …naja wird scho alles klappen….
natirle is jetzt stimmung ned so super, haom alle a bissel geweint …naja jetzt san ma nur mehr zu 3. im haus ….nix mehr mit unserer mega gemütlichen „frauenWG“ *g*

ja und in 20a hab i a guad umigebracht …bis jetzt *g*…weil ja morgen dann ja d michi kimmt und dann muas einfach wieda amoi so richtig gfeiert werden…
aberd family war so lieb am DI wie i aufgstanden bin homs ma glei amoi happy birthday auf spanisch und englisch vorgsunga …und ja dann wolltns nu wissen wie ma des auf deutsch singt …naja meine gesangskünste san ja ned da wahnsinn aber des hab i dann doch nu gschauft
auf jeden fall bin i dann ind sprachschule und da is glei amoi a kuchen auf mein platz gestanden… ma so super i hab mi sooooooo gfeid …hab ma dann glei amoi 3 stickal kuchen ind figur ghaud und dann daheim hats dann nu am Nachmittag torte gem…… ja und aufd nacht hab i mi mid de mädels getroffen und a bisserl angstoßen aber nur ganz gemütlich hab ja Auto fahren miassn und ja ….so schnell is da tag a wieda vergangen ….

und gestern hats dann nu mega abschiedsessen für d rosa gem ma war so schön … mit lachs, gambas, usw… naja ned ganz mein geschmack aber war trotzdem recht fesch und mit a bisserl sekt …

sodale des wars wieder fürs erste!
lasst wieda mal was von euch hören!

muchos besos
andi

viernes, 9 de noviembre de 2007

halli hallo!!... wie gehts

ja ja des WE ned dahom sa duad direkt a bisserl weh… weil ja leonhardi… und des ohne mi….*tzzzz* moag a !!!! … aber eng alle viel spaß…vertrets mi hald gscheid *g*

sodale ½ zeit bis weihnachten … wüd wie die zeit vergeht .. jetzt bin i scho 7 wochen in spanien und in 7 wochen is dann scho weihnachten…. oag oder …
aber i kann mas echt nu gar ned vorstellen…weil gestan war i in jerez und da hats auf so oana tafel 27 grad angezeigt …geil oder und sowas am 8. november… aber de temperaturen san jetzt a nimma normal bei uns herunten nur gestan wars hald so richtig schön warm und da wind is ausnahmsweise a amoi ned ganga...

ja d Rosa (=die feundin von da Shane die ja zurzeit bei uns wohnt mit ihre kinderleins) fliegt jetzt a am 16. november nach Catar… wow also i wissad ned ob i des kinnad … so für immer auswandern … naja… muas e jeder selber wissen
naja und jetzt hoam ma ihr hald a bisserl geholfen… so umzugstechnisch… sachen einpacken, kisten schleppen usw.
und d Rosa hat ja im Castillo de San Sebastian gewohnt weil ihr Mann ja da „farero“ vo Cádiz war … ja ja und so bin i da a glei amoi aufekema… des is nemle a kleine insel de nur mit einem schmalen steg mit Cádiz verbunden is und ja für turisten gesperrt is… jaja conections sag i da nur … is immer so geil wenn ma da an alle vorbei fahren und alle gaffen dich an und wenn dann wird 2x gehupt und s tour geht auf… jaja muas immer heimlich a bisserl lachen…aber wow … ma wie kann ma so a leben aufgeben… a insel fast für sich, rundherum meer, endlos weiter blick, usw. …
hab dann glei nu a tour gedreht und alles fotografiert...

ja und gestern war i dann mit oana gruppe literatur- und philosophiestudenten und deren professoren unterwegs in Cádiz … muas sagen bin ma am anfang gscheid deppad vorkema … war aber dann schlussendlich echt lustig … bin dann aber um halb 4 hoam weil meine fiass scho offen warn hint und forn und i einfach nimma laufen kind hab… naja nächstes mal sicha mit andere schuach *g*
und ja hab dann a nu a exklusivführung durch Cádiz bei nacht griag.. echt a schande das i ma des nu nie bei tag angschaut hab … naja wird i nächste woche glei amoi nachholen, da kann i dann a a paar fotos machen weil gestern hab i ja leida kamara ned dabei ghabt.

ja ja des wars scho wieder bei mir mehr gibt’s ned zum erzählen…. aussa ja hätt i ja fast vergessen… i hab an Apfelstrudel gmacht nachdem das mi wochenlang gnervt haben... so wengen typisch österreichisch… naja hat dann zum glick echt guad hinghaut und war a echt lustig mit de kinderleins weil de hoams ja natirle a probiern miassn *g*

sodale mehr woas i nimma aber i glaub jetzt habts e wieda a bisserl was zum lesen… bider dauern nu a bisserl hab nemle da scho so an saustall drinnen das i da erst amoi wieda ordnung einibringa muas ….

dann macht guad
hasta pronto y un abrazo fuerte
andi

5 de noviembre de 2007

hallo ihr lieben … gib zur i war a wengal faul de letzten tage aber mich hats einfach ned gfeid das i an bericht schreib.. aber jetzt … amoi schaun was ma von letzter woche nu einfällt….hmmm … muas erst amoi nachdenken…

ja genau am Freitag war i mit meiner family bowlen und anschl. im kino… war echt super… war richtig guad und bin amoi ned letzte woan ;-)… und im kino ma glaubts kaum hab i dann sogar fast alles verstanden …juhu juhu… (war aber a a dokumentarfilm…dh. des is ja dann do a bissi einfacher ..hab ma aber trotzdem voi daugt!!!! ;-)… a kleiner hoffnungsschimmer das is vielleicht doch nu lern *g*)

ja und dann SA ,SO bin i mit meine Mädls nach Malaga gedüst… um 6e aufsteh… wow … echt des bin i ja scho gar nimma gwed…*g*
ja angekommen san ma dann glei amoi voll bepackt in Catedral… war gscheid sche… war echt beeindruckend.. war nu nie in so einer großen und schönen Kirche …ja wir warn dann nu im Alcazar, im Theatro Romano, usw. .. ach ja ned zu vergessen .. Picassomuseum (wenn ma scho in Malaga is!!!)…a richtige sightseeintour hald … aber is a schene stadt hat sightseeingtechnisch ned so viel zum bieten weils ja relativ neu is aber uns hats greicht …

unterkunft war a voi super so a richtig schens, chilliges hostal … des a sauber war und mit an richtigen bad.. is ja ned selbstverständlich wie ma scho mitgriagt hoam…und des dann a nu voi billig … also wenns amoi in malaga a paar tag bleiben wollts … sagts bescheid… kann i nur empfehlen *g*
aufd nacht san ma dann nu so auf an aussichtspunkt… i sag nur ….geil … mit ausblick über fast ganz malaga …und des bei einer klaren nacht … da schaun d schiffe am meer aus wie wenns ausm nichts auftauchen würden und dann nu de ganzen lichter vom Hafen und von da Stadt… … da hat se dann der anstrengende aufstieg direkt gelohnt!!!! *g*
ja und danach san ma nu kurz in a bar was trinken aber nur bis um 1 … echt ma endlich eine gelegenheit das ma so richtig gscheid fortgeht und dann so was … naja hilft ned… man muss ja fürn nächsten tag fit und ausgschlafen sa … wurde mir erklährt … weil wir haben ja viel vor *g* ….
ja am SO hoam ma nu gemuetlich gefrühstückt und san dann weiter nach Mabella bedüst… Mabella… qué feo… echt so a schirche stadt… oa hotelkomplex nach dem anderen …. da is dann in etwa a 10 m streifen im Strand … dann a promenade a paar gschäftln und dann ein hotel nach dem anderen…also… ned urlaub machen dort da gibt’s viel viel schöneres Städte an der spanischen südküste…!!!!

ja ja bis aufs NED fortgeh wars echt a voi voi geiles Wochenende